ماذا لو يرجع الزمن يوما

ماذا لو يرجع الزمن يوما

 حبيبي 

لو الزمن يرجع لورا لتمنيت انه يرجع لورا، لأول يوم سمعت منه كلمة أحبك .. لو يرجع لتمنيت انه يرجع لاول يوم ضميتنيه فيه ...

لو الزمن يرجع لتمنيت انه يرجع لأول مره ركبت فيها السيارة معاك ومسكت فيها ايدي، لأول يوم خرجنا فيه مع بعض...

لو الزمن يرجع لورا لتمنيت انه يرجع لأول مره سلمت علي فيها، ليوم جلست فيها جنبي وكان في نفسك ان الزمن يوقف وما يتحرك ...

لو يرجع لقلت له ارجع لأيام كنت فيها تحب تكلمني كل يوم وكل وقت ، لوقت كنت اصبح فيه على صوتك واصحا في الليل على اتصال منك تسلم وتطمن وتشتاق ...

لو يرجع الزمن لصحت فيه وقلت له ارجع ارجع ارجع لأيام كنت كل شئ معاي فيه ذكرى حلوه فيحتظ فيه ذكرى ليوم حلو ولحظة حلوة ...

لو الزمن يرجع لقت له ارجع لايام كت اسمع فيها كلمة أحبك وحشتيني في أي لحظة ، لأيام لمن كنت اقول فيها أحبك كنت اسمع صداها في رقة صوته ...

لو يوقف الزمن لتمنيت انه يوقف في اللحظة إلا كنت حاطه راسي فيها على حجرك ويدك على راسي ونمت وانا حاسه انك جنبي ...

لو الزمن يوقف لقلت له وقف ولا تتحرك يوم ما كنت معاك لحالي وحسستني اني لحالي أنا إلا في قلبك ومحبوبتك..

تعرف تفسي ارجع الزمن لورا واوقفه ليه لانه مرت ايام من أحلى ايام حياتي وعمري، ايام ما عشتها قبل كده وما راح اعيش زيها تاني.. احلى ايام جودي يوم ما كنت في جدة خمسة ايام شفتك فيها كل يوم سلمت فيها عليك كل يوم خرجت فيها معاك، أيام تمنيت انها ما تروح وما تخلص لانك كنت لي انا وقتك لي انا ..

صحيح مرة لحظات في ديك الايام زعلت فيها منك وكنت انوي اقول لك بس كنت اشوفك افرح وانسى اني اعاتبك..

متمنيته الايام ترجع عشان لا اتردد لمن ابغا اقول لك شئ لاني الان بدأت اتردد لمن اقول احبك اسكت واغير الموضوع لاني احيانا باحس اني باضايقك لمن اقول لك احبك باضايقك لمن احس اني ابغا اقول لك كلام كثير فاكتبه في مسج وارسله واجلس انتظر كلمة او بسمة او حتى همسة..واكبر تردد عشته يوم ما ارسلت لك ايمل في يوم وكنت قبلها ارسل ما ارسل ارسل ما ارسل ولمن قررت ارسل ترددت وقلت لك لا تقراءه لاني تردد خفت من ردة فعلك وقررت وقلت لك لا تقراءه رايحه اقوله لك بعدين وكل مره اراجع نفسي وافكر اقول لك جودي اقراءه بس اكون معاك وعلى كده ..

نفسي ارجع للايام إلا كنت أقدر اكلمك في كل وقت في أي لحظة واوتقع انك تكلمني في اي وقت واي لحظة، كنت تكلمني خمسة الصباح اربعه او وحده تسلم على وتقول لي ارجعي نامي موني..

الايام دي لمن اكلم اشتاق اكلمك اكثر واكثر لمن اسمع كلمة دلع او غزل اتمنى ما توقف واعيش في فرحه حلوه ، الايام إلا عشتها معاك ايام حلوه فرحه حلوه اثرت فيني تاثير كبير وهو باين على لان في ناس بيعلقوا انو في شئ حلو ، دينا ضحكت لمن كلمتك وقالت الان عرفت السبب انا قلت في واحد وطلع واحد يسوى التغيير لا تفرطي فيه حافظي عليه ..

لمن اسمع نغمة جوالك ابتسم واحس اني في حلم، لمن اسمع اغنية نور عيني اسكت الكل عشان اسمعها واعيدها من الاول مره واثنين وثلاثة وعلى طول تجي في بالي لحظة ضميتني فيها ورقصنا سوا على نغماتها ..

سؤالي هل انا لحالي عايشه الحلم الحلو دا، الحلم الممتع بدأت اتردد لاني اتردد واخاف اني باثقل بمشاعري عليك...

عارف نفسي ارجع الزمن لورا ليه نفسي ارجعهه لورا لاني احبك .. أعشققك .. أموت فيك وفي كل كل شئ جمعني بيك ولمني بيك ..

الشئ الوحيد إلا ندمانه عليه هو شئ واحد بس اني ما عرفتك من زمان من قبل ما تنجرح من احد من قبل اي احد أشكر ربي واحمد على نعمه انا فيها، نعمة اظنها بسبب شئ كويس عملته او بسبب رضا اهلي ودعواتهم ..

أشكر ربي انه جمعني بيك وعرفني عليك، أشكر ربي انه خلا في قلبك مكان بسيط لي، أشكر ربي انك حبيتني واهتميت بي وحنيت على ..

أشكر ربي انه وقفك في طريقي احيانا لمن اوقف واصلي واخلص يجي طيفك في بالي فمن غير شعور اقول الحمد لله..

  خلاصة الكلام دا كله كلمة وحده

أحبك

تحياتي لك دوما